काठमाडौं । निकै लामो कसरतपछि सत्तारूढ गठबन्धनले आज मन्त्रालयको भागबण्डा टुंगो लगाएको छ। बुधबार साँझ प्रधानमन्त्रीको सरकारी निवास बालुवाटारमा बसेको गठबन्धन दलका शीर्ष नेताहरुको बैठकले मन्त्रालयको भागबण्डा टुंगो लगाएको हो।
सहमति अनुसार नेपाली कांग्रेसले आठ, नेकपा माओवादी केन्द्रले प्रधानमन्त्रीसहित पाँच, जसपा र एकीकृत समाजवादीले दुई–दुई मन्त्रालय पाउने भएका छन् नेकपा एसले त सरकारमा पठाउने नेता पनि तय गरिसकेको छ। सो पार्टीबाट बेदुराम भुसाल र प्रकाश ज्वाला मन्त्री बन्ने भएका छन्।
लोकतान्त्रिक समाजवादी पार्टी (लोसपा), नेपाल समाजवादी पार्टी (नेसपा), नागरिक उन्मुक्ति पार्टी, आम जनता पार्टीले एक–एक मन्त्रालय पाउने छन्। जनमत पार्टीलाई पनि एउटा मन्त्रालय दिने सहमति भएको छ। कुन दलले कुन मन्त्रालय पाउने भन्नेचाहिँ तय भएको छैन। पार्टीहरुले आन्तरिक बैठक बसेर मन्त्रीको नाम प्रधानमन्त्री प्रचण्डलाई दिनेछन्।
सबै दलबाट नाम आए भोलि नै मन्त्री नियुक्त गरेर शपथ खुवाउने तयारी प्रधानमन्त्रीको छ।
प्रतिक्रिया लेख्नुहोस्:-