काठमाडौं । नेकपा (एमाले) का अध्यक्ष तथा पूर्व प्रधानमन्त्री केपी शर्मा ओलीले प्रधानमन्त्री प्रचण्डलाई भारत भ्रमणमा जाँदा सीमा अतिक्रमणबारे बोल्न सुझाव दिएका छन् ।
अध्यक्ष ओलीले विहीबार रिपोटर्स क्लब नेपालले आफ्नो रजत महोत्सवका अवसरमा काठमाडौंमा आयोजना गरेको साक्षात्कारमा ओलीले अहिले देश निकै जटिल अवस्थामामा पुग्दा वर्तमान सरकारले व्यक्तिगत हितको लागि काम गरेको बताएका हुन् ।
सरकारको क्रियाकपालकै कारण मुलुकको राजनीति छताछुल्ल, भताभुंग भएको र अविश्वासको चक्र बढ्दै गएको ओलीको टिप्पणी छ । नेपालमा हुने चुनावमा कसलाई जिताउने वा हराउने भन्ने खेल बाहिरबाट हुने गरेको भन्दै उनले मुलुकको सार्वभौमसत्ता कमजोर बनेको जिकिर गरे ।
ओलीले निकट भविष्यमा प्रधानमन्त्री प्रचण्ड भारत भ्रमणमा जान लागेको भन्दै भौगोलिक अखण्डता र सीमा अतिक्रमणको विषयमा बोल्न सुझाव दिएका छन् ।
प्रतिक्रिया लेख्नुहोस्:-