काठमाडौं । प्रधानमन्त्री शेरबहादुर देउवाले भारतीय जनता पार्टीका अध्यक्ष जेपी नड्डासँग भेटवार्ता गरेका छन् । अपराह्न दिल्ली गएका देउवाले पहिलो दिन नै भाजपा मुख्यालय पुगेर देउवाले नड्डालाई भेटेका हुन् ।
भेटमा दुई देशबीचको सम्बन्धलगायतका विषयमा कुराकानी भएको बुझिएको छ । भाजपा मुख्यालयमा नड्डाले देउवा र उनकी पत्नी डा. आरजु देउवालाई स्वागत गरेका थिए । तीन दिने भारत भ्रमणमा आज नयाँ दिल्ली पुगेका देउवाले त्यहाँका विदेशमन्त्री एस जयशंकरसँग भेटिसकेका छन् । कतिपय राजनीतिक विश्लेषकहरुले प्रधानमन्त्री जस्तो ब्यक्ति पार्टी कार्यालयमा नै गएर भेटघाट गर्नुलाई अनुचित रहेको बताएका छन् । उनी नयाँ दिल्लीस्थित होटल मौर्यमा बसेका छन् ।
उनले भोलि( शनिबार) भारतीय प्रधानमन्त्री नरेन्द्र मोदीसँग भेटघाट गर्ने तालिका रहेको छ ।
प्रतिक्रिया लेख्नुहोस्:-