काठमाडौं । त्रिकोणात्मक टी–२० अन्तर्राष्ट्रिय क्रिकेट फाइनल खेलमा नेपालले पपुवा न्यूगिनी लाई ५० रनले पराजित गर्दै उपाधि जितेको छ ।
सोमबार त्रिवि क्रिकेट मैदानमा भएको नेपालले दिएको १ सय ६९ रनको लक्ष्य पछ्याएको पिएनजी १६ दशमलब १ ओभरमा १ सय १८ रनमै समेटियो।
पिएनजीका लागि सेसे बाउले सर्वाधिक ५९ रनको योगदान गरे। ३८ बलमा उनले ६ छक्का र एक चौका प्रहार गरे। चार्ल्स अमिनीले १५ रन बनाए भने अरु खेलाडीले दोहोरो अंकको रन बनाउन सकेनन्।
पिएनजीलाई सस्तैमा समेट्न दीपेन्द्रसिंह ऐरीले ४ विकेट लिए। करण केसीले ३ र कप्तान सन्दीप लामिछानेले २ विकेट हात पारे।
यसअघि त्रिवि क्रिकेट मैदान कीर्तिपुरमा टस हारेर पहिला ब्याटिङमा तानिएको नेपालले निर्धारित २० ओभरमा ६ विकेट गुमाउँदै १ सय ६८ रन बनाएको थियो।नेपालका लागि बिस्फोट ब्याटिङ गरेका दीपेन्द्रसिंह ऐरीले आउट नभइ ५४ रन बनाए। ३८ बल खेलेका उनले ५ चौका प्रहार गरे।
उनले टी–२० अन्तर्राष्ट्रियमा एक हजार रन पूरा गरेका छन्। उनी नेपालबाट टी(२०अन्तर्राष्ट्रियमा सबैभन्दा धेरै रन बनाउने खेलाडी भएका छन्।
प्रतिक्रिया लेख्नुहोस्:-