काठमाडौं । नेकपा (एकीकृत समाजवादी) का अध्यक्ष तथा पूर्व प्रधानमन्त्री माधव नेपालले नेकपा एमालेका अध्यक्षलाई गफाडीको संज्ञा दिएका छन् ।
उनले पार्टीले शनिबार भृकुटीमण्डपमा आयोजना गरेको जनसभामा बोल्दै नयाँ शिराबाट कम्युनिस्ट आन्दोलनको सुरुवात गर्दै मुलुकलाई समाजवादको दिशातर्फ अघि बढाउने प्रतिबद्धता जनाए ।
आमसभालाई सम्बोधन गर्दै पार्टी अध्यक्ष माधवकुमार नेपालले मदन भण्डारीको नामको दुरुपयोग र जबजको मान्यतामाथि कुठाराघाट भइरहेको आरोप लगाए । उनले गफाडीहरूलाई गफ गर्न दिनुपर्ने र आफूहरू प्रष्ट विचारका साथ जनतामाझ जाने धारणा राखे ।
ूहाम्रो पार्टीको भविष्य छ । गफाडीहरूको कुनै काम छैन । गफाडीलाई गफ गर्न दिनोस् । अरूको अपमान गर्न दिनोस्,ू उनले भने, ूहामी काम गरेर देखाऔँ ।ू
जनसेवाको पक्षमा दृढतासाथ उभिन चाहेको भन्दै उनले बोलेको कुरा पूरा गरेरै छाड्ने जिकिर गरे ।
प्रतिक्रिया लेख्नुहोस्:-