काठमाडौं । आज बसेको सत्तारुढ पाँच दलीय गठबन्धनको बैठकले आगामी वैशाख ४ गतेभित्र तालमेल र उम्मेदवारको टुंगो लगाउने निर्णय गरेको छ ।
मंगलबार बेलुका प्रधानमन्त्री निवास बालुवाटारमा जारी गठबन्धनका शीर्ष नेताको बैठकले वैशाख ४ भित्र गठबन्धन र उम्मेदवारको टुंगो लगाउन स्थानीय तहलाई निर्देशन दिने कुरामा सहमति जनाएको कांग्रेस नेता कृष्णप्रसाद सिटौलाले बताए ।
बैठकमा स्थानीय तहमा कुन दलको अवस्था कस्तो छ भन्ने रिपोर्ट वैशाख ४ सम्म लिएर तालमेलको लागि तलबाटै रिपोर्ट माग्ने र सम्बन्धित दलले उम्मेदवार तय गर्नेबारे छलफल भएको सिटौलाले बताए । सत्तामा रहेका दलहरुले नै सहज भएका स्थानमा आफूले नै पाउनुपर्ने नभए पार्टीभित्रै विद्रोह गर्ने कुरा आइरहेकै बेला यसरी समय थप गरेर मिलाउन खोजेको आँकलन गरिएको छ ।
प्रतिक्रिया लेख्नुहोस्:-