काठमाडौं । पूर्वराष्ट्रपति रामवरण यादवले चुनावअघिको गठबन्धनले गर्दा नेपाली कांग्रेसलाई घाटा भएको बताएका छन् । उनले बिहीबार काठमाडौंमा ‘द आइरन म्यान’ पुस्तक विमोचन कार्यक्रमलाई सम्बोधन गर्दै यस्तो बताएका हुन् ।
‘प्रिएलाइन्स गरेर गयो भनेर अहिले कति लोकतन्त्रवादीलाई घाटा भएको छ । खास गरेर कांग्रेसलाई घाटा भएको छ । हामी कांग्रेसमा छैनौँ । म नै छैन अहिले । दमनजी पनि हुनुहुन्न । कृष्णजी पनि हुनुहुन्न । तर कांग्रेसको कुलबाट आयो भने भन्छौँ कि हामी कांग्रेसी छैनौँ । तर दर्द हुन्छ । कांग्रेसले जुन अगुवाइ गर्न सक्दैन, देश बनाउनमा इमान्दारीपूर्वक जो अगाडि बढ्न सक्दैन । त्यसले गर्दा हामीलाई दर्द हुन्छ,’ उनले भने ।
उनले पार्टीहरूले आफ्नो आदर्श र सिद्धान्त जनतालाई भनेर जनताको मत लिनुपर्ने बताए ।
प्रतिक्रिया लेख्नुहोस्:-