काठमाडौं । सरकारी कर्मचारीको भूमिकामा रहेका भए पनि निर्वाचन आचारसंहिता विपरीत कार्य गरेको भन्दै निर्वाचन आयोगले नेपाल विद्युत् प्राधिकरणका कार्यकारी निर्देशक कुलमान घिसिङलाई सात दिने स्पष्टीकरण सोधेको छ।
आयोगका एक सदस्यले घिसिङ र अधिकारी दुवैजनाको नाममा पत्र काटेर सात दिने स्पष्टीकरण सोधिएको जानकारी दिएका छन्।
सत्तारुढ दल नेकपा माओवादी केन्द्रले स्थानीय तह निर्वाचनलाई लक्षित गरेर घिसिङको तस्बिर राखेर पोस्टर बनाएको थियो। उक्त पोस्टर माओवादी केन्द्रका अध्यक्ष पुष्पकमल दाहाल प्रचण्डसहितका नेताहरुले सामाजिक सञ्जालमा हालेर प्रचार गरेका थिए।
सर्वसाधारणले चर्को आलोचना गरेपछि माओवादी केन्द्रका अध्यक्ष प्रचण्डले उक्त पोस्टरबाट घिसिङ र तत्कालीन ऊर्जामन्त्री जनार्दन शर्माको फोटो हटाएका थिए।
प्रतिक्रिया लेख्नुहोस्:-