काठमाडौं । नेपाली कांग्रेसका केन्द्रीय सदस्य एनपी साउदले भोलि परराष्ट्रमन्त्रीमा पद तथा गोपनीयताको शपथ लिने भएका छन् ।
सत्तारुढ गठबन्धनमा १० वैशाखको उपचुनावपछि मात्र मन्त्रिपरिषद् विस्तार गर्ने समझदारी भए पनि प्रधानमन्त्री पुष्पकमल दाहाल प्रचण्डको प्रस्तावित भारत भ्रमणको तयारीका लागि तत्काल परराष्ट्रमन्त्री नियुक्त गर्न लागिएको हो ।
नेपाली कांग्रेस, माओवादी केन्द्र र एकीकृत समाजवादीका नेताहरुबीच शनिबार विहान, बालुवाटारमा भएको छलफललगत्तै साउदको नियुक्ति तय भएको एक नेताले जानकारी दिए । ‘परराष्ट्रमन्त्री नभएकै कारण भ्रमणको तयारीका कामहरु रोकियो भनेकाले तत्काल परराष्ट्रमन्त्री नियुक्त गर्न लागिएको हो’, ती नेताले भने । उनको शपथ भोलि दिउँसो ३ बजेका लागि तय भएको छ ।
प्रतिक्रिया लेख्नुहोस्:-