भ्रष्टाचारको फाइल खोल्न खोज्दा मविरुद्ध षड्यन्त्र भइरहेको छ : सभापति लामिछाने

काठमाडौं । राष्ट्रिय स्वतन्त्र पार्टीका सभापति रवि लामिछाने आफू गृहमन्त्री हुँदा भ्रष्टाचारको फाइल खोल्न खोज्दा आफूविरुद्ध षड्यन्त्र भइरहेको बताएका छन् ।

उनले आइतबार तनहुँमा आयोजित चुनावी सभालाई सम्बोधन गर्दै अहिलेसम्म भएका भ्रष्टाचारको फाइल खोलेरै छाड्ने बताए ।

उनले भने, ‘मैले संसद्का बोल्दा भनेको थिए। भ्रष्टाचारको कुनै पनि कालखण्डको फाइल खुल्छन् भनेर गृहमन्त्री हुँदा मैले जब खुट्टा दह्रो टेकेपछि धेरै ठाउँ हल्लियो । त्यसको साइडइफेक्ट र पराकम्पहरु अझै पनि आइरहेका छन् । चाहे चुनावको अघिल्लो दिनसम्म पनि त्यसको पराकम्प आउनेछ ।’

उनले उपनिर्वाचनमा धाँधली हुनसक्ने भएकाले प्रधानमन्त्री र गृहमन्त्रीको ध्यानाकर्षण गराए। लोकतन्त्रमा जनताले जसलाई मत दिने उसले नै जित्ने बताए ।