अहिलेको सत्ता गठबन्धनलाई हार्ने छुट नभएको सभापति देउवाको धारणा

काठमाडौं । नेपाली कांग्रेसका सभापति शेरबहादुर देउवाले यही बैशाख १० गते हुन गइरहेको उपनिर्वाचनमा गठबन्धनलाई हार्ने छुट नभएको बताएका छन् ।

सभापति देउवाले विहीबार लोकतान्त्रिक–वाम गठबन्धनले चितवनको कालिका नगरपालिकामा आयोजना गरेको चुनावीसभामा गठबन्धनका उम्मेदवारलाई जिताएर पठाउन मतदातालाई आग्रह गरे । उनले भने , “तपाईँहरूले जिताएर पठाउनुस्, मन्त्री बनाउने काम मेरो भयो ।”

अहिलेको सत्ता गठबन्धनले पाँच वर्ष सरकार चलाउने उल्लेख गर्दै उहाँले विकासका लागि समेत ढुक्क रहन आग्रह गरे । “चितवन ऐतिहासिक जिल्ला हो । जिताएर पठाउनुस्, अरु हामी गर्छौ । जीतनारायण श्रेष्ठ काम गरेको र दुःख गरेको मान्छे भएकाले निर्वाचनमा जिताउनुपर्छ”, सभापति देउवाले भने–“विसं २००७, २०४७ साल र २०६२÷६३ सालको जनआन्दोलनमा यहाँका साथीहरूको सहभागिता र सक्रियतालाई बिर्सन हुँदैन् ।”