काठमाडौं । नेकपा (माओवादी केन्द्र) का अध्यक्ष तथा पूर्व प्रधानमन्त्री पुष्पकमल दाहाल प्रचण्डले आफूले गणतन्त्र नेपालको पहिलो राष्ट्रपति हुनबाट गिरिजाप्रसाद कोइरालालाई रोक्ने काम र तत्कालीन प्रधानसेनापति रुक्मांगत कटवाललाई हटाउनु ठूलो गल्ती स्वीकार गरेका छन् ।
विहीबार धनगढीमा आयोजित कार्यक्रमलाई सम्बोधन गर्दै उनले जम्मा तीन महिना मात्र कार्यकाल रहेका रुक्मांगत कटवाललाई पनि आफ्नै साथीहरुको उक्साहटमा परेर हटाउने निर्णयमा पुगेको उनले बताए ।
साथीहरुको लहलहमा लागे । ‘त्यसबेला माओवादीले जित पचाउन नसकेर पखाला लाग्यो । मैले पनि साथीहरुको लहलहैमा लागेर थुप्रै गल्ती गरेँ, बिहीबार कैलालीमा आयोजित पार्टीको सभालाई सम्बोधन गर्दै उनले भने, ‘बाबुराम र बादलले वरिवरिबाट ठोकठोक भन्ने । मैले पनि ठोकिहालेँ । उल्टै मेरै पद गयो । यो पनि गल्ती थियो ।’
एमसीसीका बेला पनि आफूलाई उक्साएर केहीले ठोकठोक भन्न थालेको बताउँदै उनले आफू त्यसमा प्रयोग नभएको जिकिर गरे।
प्रतिक्रिया लेख्नुहोस्:-