काठमाडौं । नेपाल विद्युत् प्राधिकरणले औद्योगिक करिडोरमा विद्युत् आपूर्तिको समस्यालाई चाँडै समाधान गर्ने बताएको छ।
प्राधिकरणका कार्यकारी निर्देशक कुलमान घिसिङले आइतबार तत्कालको लागि छोटो समय पूर्वी क्षेत्रका उद्योगहरुमा विद्युत कम आपूर्ति भएको र त्यो लामो समयको लागि नभएको बताएका हुन्। सुख्खा समय र भारतबाट समेत आयात गर्ने प्रसारणलाइनको क्षमता नपुगेको कारण विद्युत् आपूर्तिमा समस्या भएको उनको भनाइ छ।
ढल्केबर र टनकपुर प्रसारणलाइनबाट क्षमताअनुसार भारतबाट विद्युत् आयात गरिएको उनले बताए। उनका अनुसार यी दुई प्रसारणलाइनबाट करिब ४ सय मेगावाट विद्युत् आयात गरिएको छ। त्यसका अलावा रक्सौल, रामनगर, कटैयाबाट समेत करिब १ सय मेगावटा विद्युत् आयात गरिएको उनले बताए।
प्रतिक्रिया लेख्नुहोस्:-