काठमाडौं । परराष्ट्रमन्त्री एनपी साउदले आफूले संखुवासभा जिल्लाको उत्तरी किमाथांका सीमा नाका पुनः संचालन गर्ने विषयलाई उच्च प्राथमिकता दिने प्रतिबद्धता जनाएका छन् ।
मन्त्री साउदले आइतबार मन्त्रालयमा संखुवासभा जिल्लाका प्रतिनिधि र कोशी प्रदेशका सांसदहरुले संयुक्त रुपमा किमाथांका नाका खोल्न चीन सरकारसँग पहल गरिदिन बुझाएको ध्यानाकर्षण पत्र ग्रहण गर्दै यस्तो बताएका हुन् ।
उनले किमाथांका नाका ऐतिहासिक र पूर्वको व्यापार व्यवसायलाई प्रत्यक्ष फाइदा पुग्ने नाका भएकाले नाका खोल्ने कुरा पहिलो प्राथमकितामा राख्ने बताए । साथै उनले नेपाल र चीनबीचको सम्बन्धलाई बढाउन र व्यापार व्यवसाय पनि विस्तार गर्नका लागि किमथांका नाका सहज र छोटो दूरीको माध्यम बन्ने बताएका थिए ।
प्रतिक्रिया लेख्नुहोस्:-