काठमाडौं । आज बसेको उद्योग तथा वाणिज्य र श्रम तथा उपभोक्ता हित समितिले रोजगारीका लागि विदेशमा रहेका नेपाली श्रमिकलाई मताधिकारको प्रयोग गर्ने वातावरण बनाउन सरकारलाई निर्देशन दिएको छ।
सिंहदरबारमा बिहीबार बसेको समिति बैठकले जनशक्तिको ठूलो हिस्सा मुलुक बाहिर रहँदा आवधिक निर्वाचनमा मताधिकारबाट वञ्चित हुनुपरेको भन्दै मताधिकारको प्रयोग गर्ने अवसरको सुनिश्चितताका लागि आवश्यक पहल गर्न सरकारलाई निर्देशन दिएको हो ।
बैठकले वैदेशिक रोजगारीका क्रममा विश्वका विभिन्न मुलुकमा युद्ध तथा अन्य कारणले अलपत्र परेका नेपाली कामदारको पहिचान गरी तत्काल उद्धारका लागि कार्यसञ्चालन गरी नेपाल फिर्ता ल्याउनका लागि पहल गर्न पनि सरकारलाई निर्देशन दिएको छ।
प्रतिक्रिया लेख्नुहोस्:-