काठमाडौं । वायुसेवा संचालक संघले अहिलेकै बवस्थामा राति ८ बजेपछि आन्तरिक उडान गर्न नसक्ने स्पष्ट पारेको छ । । यसअघि नेपाल नागरिक उड्डयन प्राधिकरणले आन्तरिक उडानतर्फ समयावधि बढाएर १८ घण्टा पुऱ्याउन भन्दै वायुसेवा कम्पनीहरुलाई पत्र पठाएको थियो ।
संघले प्राविधिक तयारी नभएकाले ८ बजेपछि उडानहरु गर्न सक्ने अवस्था नरहेको संघले जनाएको छ । ‘प्राधिकरणले बुधबार जारी गरेको स्लटसम्बन्धी नयाँ व्यवस्था अनुरुपको तालिका संलग्न गर्न सदस्य वायुसेवा कम्पनीहरुले नसक्ने ब्यहोराको जानकारी नागरिक उड्डयन प्राधिकरणलाई जानकारी गराउँदै वैशाख ३ कै स्लट सम्बन्धी व्यवस्था हाललाई लागू गर्न अनुरोध छ’ संघद्वारा जारी विज्ञप्तिमा भनिएको छ ।
उक्त अनुसारको उडान अनुमति प्राप्त नभएमा संघका सदस्य वायुसेवा कम्पनीहरुले सम्पूर्ण उडान स्थगन गर्ने चेतावनी दिएका छन् । विमानस्थलको एयर ट्राफिक जामलाई ध्यानमा राख्दै तराईका ६ क्षेत्रीय विमानस्थलमा १८ घण्टा उडान गर्न प्राधिकरणले निर्देशन दिएको थियो । प्राधिकरणले भद्रपुर, विराटनगर, जनकपुर, सिमरा, भैरहवा, नेपालगञ्ज र धनगढी विमानस्थललाई बिहान ६ देखि राति १२ बजेसम्म सञ्चालनमा ल्याउने निर्णय गरेको थियो ।
प्रतिक्रिया लेख्नुहोस्:-