नेकपा एमालेसँग सत्ता सहकार्यको सम्भावना नभएको कांग्रेस नेता कार्कीको भनाई

काठमाडौं । नेपाली कांग्रेसका नेता ज्ञानेन्द्रबहादुर कार्कीले अहिलेको अवस्थामा नेकपा एमालेसँग सत्ता सहकार्यको कुनै सम्भावना नरहेको बताएका छन्।

उनले सोमबार इनरुवामा सडक शिलान्यास गर्दै कांग्रेस र एमाले मिल्ने आकलनसहितका टीकाटिप्पणी सुनिने गरेको भए पनि त्यसमा सत्यता नरहेको प्रस्ट्याए। एमाले अबको ५ वर्ष प्रमुख प्रतिपक्षमा रहने उनको दाबी छ।

‘एमाले प्रमुख प्रतिपक्षमा ५ वर्ष रहनेछ। एमाले र नेपाली कांग्रेस मिलेर सरकार बन्दैन भन्ने कुरा यहीँबाट उद्घोष गर्न चाहन्छु। यो सरकार यही गठबन्धन ५ वर्ष रहनेछ। केन्द्रमा पनि रहनेछ र प्रदेशमा पनि रहनेछ,’ उनले भने।