लेखापरीक्षणलाई मर्यादित र व्यवसायिक बनाउन अर्थमन्त्रीको निर्देशन

काठमाडौं । अर्थमन्त्री जनार्दन शर्माले अर्थतन्त्र सबलीकरणका लागि लेखापरीक्षण पद्दतिलाई मर्यादित र व्यवसायिक बनाउन लेखापरीक्षकहरूलाई निर्देशन दिएका छन्

मंगलबार नेपाल चार्टर्ड एकाउन्टेन्ट्स संस्था (आईक्यान) ले राजधानीमा आयोजना गरेको प्रथम राष्ट्रिय लेखा व्यवसायी सम्मेलनलाई सम्बोधन गर्दै मन्त्री शर्माले यस्तो बताएका हुन् , उनले अगाडि भने, ‘वित्तीय अनुसाशन कायम गर्नरगराउन लेखापरीक्षकको भूमिका महत्वपूर्ण छ,’ ‘लेखा परीक्षण कुनै संस्था वा कम्पनीको हिसाब(किताबमा मात्रै सिमित नभई समग्र देशको सम्पत्ति मूल्यांकनमा पनि प्रयोग हुनुपर्छ ।’

व्यवसाय वा सम्पत्तिको लेखापरीक्षण गर्दा जोड–घटाउमा थोरै मात्र तलमाथि भए राष्ट्रिय अर्थतन्त्रमा नै असर पर्ने भन्दै यस विषयमा ध्यान दिन लेखापरीक्षकहरूलाई उनले आग्रह गरे ।