काठमाडौं । आसन्न स्थानीय तह निर्वाचन अवधिमा मदिराजन्य पदार्थ विक्री वितरण तथा सेवन नगर्न जिल्ला प्रशासन कार्यालय काठमाडौंले निर्देशन जारी गरेको छ ।
निर्वाचनलाई प्रभावित हुने कुनै पनि कार्य हुन नदिनेभन्दै जिल्ला प्रशासन कार्यालय काठमाडौंले निर्वाचन अवधिभर मदिराजन्य पदार्थ निषेध गर्ने निर्णय गरेको हो ।
वैशाख २७ गते मंगलबार राति १२ बजेदेखि मतदान कार्य सम्पन्न नभएसम्म मदिराजन्य पदार्थ विक्री वितरण तथा सेवन कार्य नगर्न तथा नगराउन जिल्ला प्रशासन कार्यालयको आग्रह छ ।
मतदानको दिन अत्यावश्यक सेवामा सञ्चालित र अनुमति लिएका सवारी साधनबाहेकका सवारी साधन बिहान ६ बजेदेखि मतदान कार्य सम्पन्न नभएसम्म सञ्चालन नगर्न पनि जिल्ला प्रशासन कार्यालयले आग्रह गरेको छ ।
प्रतिक्रिया लेख्नुहोस्:-