काठमाडौँ, २८ वैशाख / वैदेशिक रोजगारलाई व्यवस्थित र मर्यादित बनाउन वैदेशिक रोजगार ऐनमा समयानुकूल परिवर्तन हुनुपर्नेमा सरोकारवालाले जोड दिएका छन् ।
एमनेष्टी इन्टरनेशनल नेपालले आज यहाँ आयोजना गरेको ‘नीति, संवादमा राज्य र व्यापारिक उत्तरदायित्वमा दुव्र्यवहार न्यूनीकरण’ विषयक कार्यक्रममा उनीहरुले वैदेशिक रोजगारलाई व्यवस्थित र मर्यादित बनाउनका लागि यस सम्बन्धी ऐन र कानुनमा समयानुकूल परिमार्जन हुनुपर्नेमा जोड दिनुभयो ।
सो अवसरमा वैदेशिक रोजगार विभागका निर्देशक भुवनप्रसाद आचार्यले वैदेशिक रोजगार सम्बन्धी विधमान ऐनले यस क्षेत्रमा देखिएको समस्या न्यूनीकरण गर्न नसक्ने भएकाले यसमा समयानुकूल परिमार्जन हुनुपर्छ भन्नुभयो ।
महानगरीय प्रहरी परिसर टेकुका वरिष्ठ प्रहरी उपरीक्षक रवीन्द्रप्रसाद शर्माले बाध्यता र प्रलोभनका कारण नेपालका युवा मानव बेचबिखनमा पर्ने गरेको बताउँदै “विदेश जाने र पठाउने दुवैको मनसायका कारण पीडा पाइसकेपछि मात्र पीडित सम्पर्कमा आउने गर्छन् भन्नुभयो ।”
एमनेष्टी इन्टरनेशनलका सचिव सोम लामिछानेले वैदेशिक रोजगारीमा ठगीको छानविनका लागिसमेत काठमाडौँ केन्द्रित भएकाले थप समस्या आएको बताउँदै “वैदेशिक रोजगारीको विषयलाई स्थानीय रुपमा समेत विस्तार गर्नुपर्छ भन्नुभयो ।”
मलेसियामा चार लाख दस्तावेजीकरण तीन लाख दस्तावेजविहीन कामदार रहेको पनि उहाँले जानकारी दिनुभयो ।
एमनेष्टी इन्टरनेशनल नेपालका अध्यक्ष कुलप्रसाद कार्कीले वैदेशिक रोजगारी नेपालको बाध्यतामात्र नभई विकल्पका रुपमा राखिनुपर्नेमा जोड दिनुभयो । रासस
प्रतिक्रिया लेख्नुहोस्:-