काठमाडौं । धरान उप–महानगरपालिकाको मतगणनास्थलमा तनाव भएपछि सुरक्षाका लागि नेपाल नेपाली सेना समेत परिचालन गरिएको छ।
वडा नम्बर २० को गणना हुने क्रममा १८ वटा मतपत्रमा मतदान अधिकृतको हस्ताक्षर नपाइएपछि नेकपा माओवादी केन्द्रका कार्यकर्ताले आन्दोलन सुरु गरेका थिए।
माओवादी कार्यकर्ताले हस्ताक्षर नभए पनि जनताले दिएको मतलाई सदर गरेर जानुपर्ने भन्दै मतगणनास्थलमा नाराबाजी गरेका थिए।
तनाव बढ्दै गएपछि निर्वाचन अधिकृतको कार्यालयको आग्रहमा सुरक्षाका लागि मतगणनास्थलामा सेना परिचालन गरिको हो।
हस्ताक्षर नभएका मतपत्र नेकपा माओवादीको ११ वटा, नेपाली कांग्रेसको ४ वटा र नेकपा एमालेको चुनाव चिह्नमा छाप लागेका ३ भेटिएका थिए।
विरोध र नाराबाजीका कारण मतगणना अगाडि बढाउन नसकेकाले अहिले धरानको सबै वडाको मतगणना स्थगित भएको सहायक निर्वाचन अधिकृत गणेशप्रसाद खतिवडाले बताए।
प्रतिक्रिया लेख्नुहोस्:-