काठमाडौं । नेपाल समाजवादी पार्टीका अध्यक्ष डा. बाबुराम भट्टराईले नेपालका कम्युनिष्ट दलहरु भ्रष्टीकरणमा फसिसकेको आरोप लगाएका छन् ।
पूर्व प्रधानमन्त्री समेत रहेका उनले शनिबार समाजवादी पार्टी जिल्ला समन्वय समिति ललितपुरले आयोजना गरेको अन्तक्र्रिया कार्यक्रममा आफूलाई कम्युनिष्ट भन्ने नेकपा (एमाले), नेकपा (माओवादी केन्द्र) मा राज्यसंयन्त्र कब्जा गर्ने र पूरै भ्रष्टीकरण भएर जाने देखिएको आरोप लगाए ।
त्यस्तै, उनले कांग्रेस पुरानो विचार लिएर दिशाहीन भएर बसेको र विविधथरिको खिचडी जस्तो पार्टी भएकाले कांग्रेस, एमाले र माओवादीले देशको समस्या हल गर्न नसक्ने जिकिर गरे ।अहिले आएका नयाँ भन्ने पार्टीहरुलाई भने अहिले नै खराब भन्न नमिल्ने भए पनि उनिहरुमा कुनै विचार र योजना तथा नीति नै नरहेको उनले टिप्पणी गरे ।
एउटै चिह्नबाट चूनाव लडेकाले आफ्नो पार्टी र माओवादीको एउटै संसदीय दल भए पनि माओवादीसँग कुनै एकता नभएको उनले बताए ।
प्रतिक्रिया लेख्नुहोस्:-