काठमाडौं । अर्थमन्त्री डा. प्रकाशशरण महतले कुनै निश्चित वर्गलाई फाइदा हुनेगरी करको दर हेरफेर नहुने स्पष्टीकरण दिएका छन् ।
मन्त्री महतले शनिबार सिंहदरबारमा बसेको प्रतिनिधिसभा अन्तर्गतको अर्थ समिति बैठकमा कसैको व्यक्तिगत हितका लागि करको दायरा हेरफेर लगायतका नीतिगत भ्रष्टाचार नहुने र नदिने स्पष्ट पारेका हुन् ।
समग्र अर्थतन्त्रलाई मध्यनजर राखेर आगामी आर्थिक वर्षको बजेट आउने उनले बताए ।
उनले मुलुकभित्र उत्पादनलाई बढाउने, उद्योग व्यवसायीलाई प्रोत्साहन गर्ने लगायतका कुरालाई बजेटमार्फत प्राथमिकतामा राखिएको जानकारी दिए । उनले अहिले आर्थिक वर्षको नौ महिनापछि बजेट उपलब्ध गराउन माग गर्ने र ठेक्का लगाउने प्रवृत्तिलाई आफूले रोकेको जानकारी दिँदै बजेटपछि लगत्तै कार्यान्वयनका लागि कार्यतालिका बनाउने बताए ।
प्रतिक्रिया लेख्नुहोस्:-