काठमाडौं । सुनसरीको धरान उपमहानगरपालिकाको मेयरमा स्वतन्त्र उम्मेदवार हर्कराज राई (हर्क साम्पाङ) विजयी भएका छन्।
लौरो चुनाव चिह्न पाएका उनले नेपाली कांग्रेस र नेकपा माओवादी केन्द्रसहितका दलहरु सम्मिलित सत्ता गठबन्धनका साझा उम्मेदवार किशोर राईलाई ५ हजार भन्दा धेरै मतान्तरले हराउन सफल भएका हुन् ।
लामो समयदेखि धरानमा खानेपानी अभाव र वीपी कोइराला स्वास्थ्य विज्ञान प्रतिष्ठानको विकृतिलाई लिएर आन्दोलित हर्कलाई धरानबासीले मेयरका रुपमा अनुमोदन गरे। त्यस्तै उममेयरमा माओवादी केन्द्रका अइन्द्रविक्रम बेघा विजयी भए ।
उनले २० हजार ५१० मत ल्याउँदा निकटतम प्रतिद्वन्द्वी नेकपा एमालेका पदम लिम्बूले १७६०६ मत पाए ।
प्रतिक्रिया लेख्नुहोस्:-