काठमाडौं । काठमाडौं महानगरपालिकाको मेयरमा स्वतन्त्र उम्मेदवारी दिएका बालेन शाहले आफ्नो प्रतिस्पर्धीभन्दा धेरै फराकिलो मतान्तरले अग्रता कायमै राखेका छन् ।
आइतबार दिउँसोसम्म १ लाख १६ हजार ८ सय ८५ मत गणना हुँदा उनले ४१ हजार २ सय ७९ मत ल्याएका छन् । उनले दोस्रो स्थानमा रहेकी नेपाली कांग्रेसकी उम्मेदवार सिर्जना सिंहलाई १७ हजार ४ सय २४ मतले पछि पारेका छन् । सिंहले २३ हजार ८५५ मत पाएकी छन् ।
यस्तै नेकपा एमालेका उम्मेदवार केशव स्थापितले २३ हजार २४ मत पाएका छन् । मतगणना सुरु भएको एक हप्ता भइसक्दा पनि काठमाडौंको मतपरिणाम आउन अझै केही समय लाग्ने आँकलन गरिएको छ । बालेनले कांग्रेस र एमालेलाई कठा टक्कर दिइरहेका छन् ।
प्रतिक्रिया लेख्नुहोस्:-