काठमाडौं । चितवनको भरतपुर महानगरपालिकामा सत्ता गठबन्धनबाट नेकपा माओवादी केन्द्रकी उम्मेदवार रेणु दाहालले आफ्नो अग्रता फराकिलो बनाउँदै लगेकी छन्।
आइतबार दिउँसोसम्म भएको ९६ हजार ३११ मत गणनामध्ये उनले ३७ हजार ९२८ मत ल्याएकी छिन् भने उनका प्रतिस्पर्धी नेकपा एमालेका उम्मेदवार विजय सुवेदीले २९ हजार ६३३ मत प्राप्त गरेका छन्। विजयभन्दा रेणु ८ हजार २९५ मतले अगाडि छन्।
मेयर पदमा स्वतन्त्र उम्मेदवारी दिएका जगन्नाथ पौडेलले १२ हजार ४६३ मत प्राप्त गरेका छन्। सुरुवाती दिनहरुमा रेणु र विजयको खासै मतान्तर नभएपनि पछिल्लो समय मतान्तर झन् धेरै हुँदै गएको छ ।
प्रतिक्रिया लेख्नुहोस्:-