काठमाडौं। सरकारले आगामी असार ९ गतेदेखि पाँच वर्षदेखि ११ वर्ष उमेर समूहका बालबालिकाहरूलाई कोरोनाविरुद्धको खोप लगाउने भएको छ।
स्वास्थ्य मन्त्री विरोध खतिवडाले ५ वर्षदेखि ११ वर्ष उमेर समूहका बालबालिकालाई ९ असारदेखि दुई चरणमा खोप लगाइने बताए।सरकारले पहिलो चरणमा २७ वटा जिल्लामा असार ९ देखि १५ गतेसम्म पहिलो मात्रा र सोही समूहलाई साउन २ देखि ८ गतेसम्म दोस्रो चरणको गरी खोप अभियान सञ्चालन गरिने उनले जानकारी दिए।
बाँकी रहेका ५० वटा जिल्लामा भने भदौ ५ देखि ११ गतेसम्म पहिलो र सोही समूहलाई भदौ २७ देखि असोज १ गतेसम्म दोस्रो चरणको खोप अभियान सञ्चालन गरिने उनले बताए। बालबालिकाहरूलाई खोप लगाउन सरकारले विद्यालयमानै खोप केन्द्र तोकेको समेत उनले जानकारी दिए।
कोभ्याकस सुविधाअन्तर्गत अमेरिकी सरकारको सहयोगमा ८४ लाख फाइजर खोप आउने स्वास्थ्य सेवा विभागअन्तर्गतक आपूर्ति शाखाका प्रमुख डा। सुरेन्द्र चौरासियाले बताए।
प्रतिक्रिया लेख्नुहोस्:-