दूरबिन नेपाल, न्युयोर्क
नेपालको रुकुममा भएको जातीय नरसंहारको विरोध र अमेरिकामा चलिरहेको रंगभेदी आन्दोलनलाई समर्थन गर्न न्युयोर्कको नेपाली समुदायले एक कार्यक्रम गरेका छन । आइतबार न्युयोर्कको ज्याक्सन हाइट्समा भएको प्रदर्शनीमा दलित लाइभ्स म्याटर (DALIT LIVES MATTER) र ब्ल्याक लाइभ्स म्याटर (BLACK LIVES MATTER) भन्ने नाराका साथ नेपालीहरुले रंगभेद र जातीय नरसंहार विरुद्ध प्रदर्शन गरेका हुन । कार्यक्रममा विभिन्न नेपाली संघसंस्थाका प्रतिनिधिहरुको उपश्थिती रहेको थियो । कार्यक्रममा नेपालको रुकुममा कथित उपल्लाृे जातको केटीसंग प्रेम गरेको भन्दै हत्या गरीएका नवराज विक लगायतका मृतकहरुको आत्माको शान्तिको कामना गरिएको थियो भने अमेरिकामा प्रहरीद्धारा हत्या गरिएका अश्वेत अमेरिकी जर्ज फ्ल्योइडको सम्झना गरिएको थियो । जातीय र रंगको आधारमा भइरहेको नरसंहार र भेदभावले संसारमा कोहीपनि अछुतो रहन नसक्ने भन्दै सबैले यस्ता विभेदकारी र मानव सभ्यता विरुद्धका कदमको विरोध गर्नुपर्ने आवाज कार्यक्रमका सहभागीहरुले उठाएका थिए ।
सो कार्यक्रममा, नेपाल आदिवासी जनजाती महासंघ अमेरिका फिप्नाका अध्यक्ष लोक चम्जोङ, संघिय परिषदका सभामुख राजकुमार विष्ट महासचिव नरेन्द्र थापा र कोषाध्यक्ष छोन्जोम लामाको उपश्थिी थियो । त्यस्तै जनसम्पर्क समिति अमेरिकाका अध्यक्ष आनन्द विष्ट र महासचिव मुनिन्द्र नेम्बाङ, सञ्चारकर्मी शैलेश श्रेष्ठ, मधेसी एसोसिएशनका वरिष्ठ उपाध्यक्ष सत्येन्द्र शाह, प्रवासी नेपाली एकता मन्चका एकता कार्यदलका संयोजक राधाकृष्ण देउजा, सौमेन्द्र रन्जित, गिरीजा प्रसाद कोइराला फाउण्डेसनका अध्यक्ष सोमनाथ घिमिरे, शेर्पा किदुक अमेरीकाका अध्यक्ष उर्गेन शेर्पा, समाजसेवी तथा अभियन्ता केशवराम राई र एनआरएनए न्युयोर्क च्याप्टरका पूर्व उपाध्यक्ष विष्णु रानामगर लगायत विभिन्न संघ संस्थाका प्रतिनिधीहरूको उपश्थिी रहेको थियो । सहभागीहरुले दलित लाइभ्स म्याटर (DALIT LIVES MATTER) र ब्ल्याक लाइभ्स म्याटर (BLACK LIVES MATTER) लेखिएको ब्यानर लिएका थिए ।
फरक भूगोलबाट आएपनि हाम्रा सपना, बाध्यता र नियतिहरु यहाँका रैथाने अस्वेतहरुको जस्तै रहेकोले अहिलेको आन्दोलनमा सहभागी भएको कार्यक्रममा बताइएको थियो । रंगभेद बिरुध्दको यो शान्तिपूर्ण न्यायिक अभियानमा अल्पमत आप्रवासी समुदायको हैसियतमा नेपालीको पनि नैतिक साथ, समर्थन अनि एैक्यबध्द्ता हुन जरुरी भएको कार्यक्रमका सहभागीहरुले बताएका छन ।
अमेरिकामा अल्पमत समुदाय माथिको निर्मम र बर्बर संस्थागत दमन अनि अत्याचारको दर्दनाक बिगत छ । सन १७७६ मा अमेरिका स्वतन्त्र भएदेखिनै त्यस्ता वर्गीय बिभेदहरु हुदै आएको छ । मिनियापोलिसका अर्का एकजना अस्वेत जर्ज फ्लोईडको स्वेत प्रहरीद्वारा ८ मिनेट ४६ सेकेन्ड घुँडाले घाँटी थिचेर पासविक अनि निर्मम हत्या गरिएको विरोधमा अमेरिकाभरीनै आन्दोलन चलिरहेको छ । त्यस्तै नेपालमा पनि रुकुम घटनामा तल्लो जातीका भनी गरिएको पाशविक हत्याको सबैतिर विरोध भइरहेको छ ।
तस्विरः केशवराम राई
प्रतिक्रिया लेख्नुहोस्:-