प्रस्तावित प्रधानन्यायाधीशको सुनुवाइ भोलि

काठमाडौं । संसदीय सुनुवाइ समितिले बुधबार प्रस्तावित प्रधानन्यायाधीश हरिकृष्ण कार्कीविरुद्धको उजुरीका सम्बन्धमा उजुरीकर्तासँगको छलफल टुंगाएको छ ।

समितिका सदस्य डीपी अर्यालले उजुरीकर्तासँग छलफल सकिएसँगै बिहीबार बिहान ८ बजे प्रस्तावित प्रधानन्यायाधीश हरिकृष्ण कार्कीलाई समितिमा बोलाउने निर्णय भएको बताए । राष्ट्रिय स्वतन्त्र पार्टीका सांसदसमेत रहेका अर्यालले उजुरीकर्तासँग छलफल सकिएको र प्रस्तावित प्रधानन्यायाधीशलाई बिहीबार बिहान ८ बजे बोलाउने निर्णय भएको बताए ।

संसदीय सुनुवाइ समितिको बैठक बिहान ८ बजेबाट बस्ने र बिहान १० बजेसम्ममा प्रस्तावित प्रधानन्यायाधीशमाथि परेको उजुरीका विषयमा प्रष्ट पार्न समय दिने र कार्ययोजना समेत सुन्ने सांसद अर्यालले बताए ।