सेयर बजारमा उच्च गिरावट

काठमाडौं । आइतबार र सोमबार उच्च अंकले बढेको शेयर मापक सूचक नेप्से मंगलबार दोहोरो अंकको गिरावट देखिएको छ ।

आज नेप्से सूचक २६.५७ अंकले घटेर २०६४।८३ विन्दुमा पुगेको छ । मंगलबार ४ अर्ब ११ करोड रुपैयाँ भन्दा बढीको सेयर कारोबार भएको छ । यसअघि लगातार ९ दिनसम्म बढेको सेयर बजारमा सोमबार पनि सामान्य गिरावट देखिएको थियो ।

निरन्तर बढेको बजारबाट ट्रेडरले नाफा बुक गर्न थालेपछि नेप्सेमा सामान्य दबाब परेको हो । लगातार बढिरहेको बजारमा करेक्सन आउनुलाई स्वाभाविक नै मानिने गरेको छ ।