काठमाडौं । गृहमन्त्री बालकृष्ण खाण र नेकपा (बहुमत) का अध्यक्ष धर्मेन्द्र बास्तोलाबीच भेटघाट भएको छ।
उनीहरुबीच मंगलबार दिउँसो सिंहदरबारमा भएको भेटवार्त भएको हो । भेटमा २०७७ फागुन २० गते तत्कालीन केपी शर्मा ओली नेतृत्वको सरकार र नेकपाबीच भएको तीन बुँदे सहमति कार्यान्वयनका विषयमा कुराकानी भएको छ।
गृहमन्त्री खाणले सरकार नेकपासँग अघिल्लो सरकारले गरेको सहमति कार्यान्वयनमा प्रतिबद्ध रहेको बताएका छन्। उनले भने, ‘नेकपासँग भएका सहमति कार्यान्वयन गर्ने क्रममा प्रतिबद्ध छौं। सहमतिमा समेटिएका केही बुँदा कार्यान्वयन भइसकेका र केही कार्यान्वयनको चरणमा रहेका छन्।’
नेकपाका तर्फबाट संयोजक बास्तोलाले जेलमा रहेका पार्टीका नेता कार्यकर्ता रिहाइ गर्न आग्रह गरेका थिए।
भेटमा सरकारी पक्षमा गृहसचिव टेकनारायण पाण्डे र मन्त्रालयका प्रवक्ता सहसचिव फणिन्द्रमणि पोखरेल तथा नेकपा ९बहुमत०का तर्फबाट अध्यक्ष बास्तोलासहित प्रवक्ता हेमन्तप्रकाश ओली, देवकला अधिकारी, गुणराज लोहनी र दिपक सहभागी थिए।
प्रतिक्रिया लेख्नुहोस्:-