विष्णुपुकार श्रेष्ठ राजदूतमा नियुक्त

काठमाडौं । चीनका लागि नेपालको राजदूतमा विष्णुपुकार श्रेष्ठ नियुक्त भएका छन् । विहीबार राष्ट्रपति विद्यादेवी भण्डारीले श्रेष्ठलाई राजदूत नियुक्त गरेकी हुन् ।

मन्त्रिपरिषदबाट चीनका लागि नेपाली राजदूतमा सिफारिस भएका श्रेष्ठको नाम संसदीय सुनुवाइ समितिले पनि अनुमोदन गरेको थियो । श्रेष्ठ सत्तारुढ माओवादी केन्द्रको कोटामा राजदूत सिफारिस भएका थिए । सिफारिस गरेको लामो समयसम्म पनि उनको नियुक्ति भएको थिएन । यसलाई धेरैले विभिन्न अनुमान समेत गरेका थिए ।