काठमाडौं । अर्थमन्त्री प्रकाशशरण महतले कतिपय उद्योगी व्यवसायीले पारदर्शी हिसाब नराख्ने गरेको आरोप लगाएका छन् । मन्त्री महतले शुक्रबार नेपाल उद्योग परिसंघको २० औं वार्षिक साधारणसभा कार्यक्रममा बोल्दै भने ‘एकाउन्टिङ सिस्टममा जान जुन हिचकिचावट छ, समस्या त्यहाँनिर देख्छु । कतिपय व्यवसायी मकहाँ आएर बरु अर्को ट्याक्स लगाइदिन, भ्याट नलगाइदिन भन्ने गरेका छन् ।’
बजेटमा करको दायरा विस्तार गर्ने विषय उठाइएको तर कर नबढाएको उनको दाबी छ । भ्याट छुट सूची हरेक वर्ष बढ्दै गएकोमा आफूले त्यो क्रम रोकेको उनले बताए । त्यस्तै साधारण खर्च बढाउँदै जाने परिपाटी यस पटकको बजेटबाट रोकिएको उनले दाबी गरे । ‘यसपालि ऋण दायित्व तिर्ने रकम बढेको छ’ उनले भने ‘बजेट जति बाँडफाँट भएको छ, त्यसलाई शत प्रतिशत खर्च गर्ने हो भने अर्थतन्त्रलाई चलायमान गर्न मद्दत पुग्छ ।’
प्रतिक्रिया लेख्नुहोस्:-