सरकार राष्ट्रहितको रक्षाका लागि संवेदनशील छ : प्रधानमन्त्री प्रचण्ड

काठमाडौं । प्रधानमन्त्री पुष्पकमल दाहाल प्रचण्डले सरकार राष्ट्रहितको रक्षाका लागि संवेदनशील रहेको बताएका छन् ।

उनले शुक्रबार प्रतिनिधिसभा बैठकमा सांसद अशोककुमार चौधरीले सीमाका सन्दर्भमा सोधेको प्रश्नमा भने, “यो विषयमा सरकार गम्भीर रहेको छ । बोर्डरको विषय, नेपालको राष्ट्रिय स्वतन्त्रताको विषय, सार्भभौमिकताको विषय, भौगोलिक अखण्डता र सिमाना सुरक्षाको विषयमा एउटा बृहत्तर राष्ट्रिय एकता भएको कुरा स्पष्ट गर्न चाहन्छु ।”

उनले सीमास्तभको नियमित मर्मत संरक्षण गर्ने विषय सरकारको प्राथमिकतामा रहेको बताए ।