काठमाडौं । । नेपाली कांग्रेसका उपसभापति पूर्णबहादुर खड्काले कांग्रेसभित्र अन्तर्घात नभए प्रतिनिधिसभा र प्रदेशसभा निर्वाचनमा बहुमत ल्याउने दावी गरेका छन् ।
उनले आइतबार सुर्खेतको वीरेन्द्रनगरमा पार्टीबाट निर्वाचित स्थानीय तहका जनप्रतिनिधिको प्रशिक्षण कार्यक्रममा उनले अन्तर्घात नभए प्रदेश र संघको चुनावमा कांग्रेसलाई बहुमत ल्याउनबाट कसैले रोक्न नसक्ने बताएका हुन् ।
३० वैशाखमा भएको स्थानीय तहमा अन्तर्घातका कारण ६२ देखि ६५ पालिका गुमाएको उपसभापति खड्काले बताए । पार्टीभित्र समस्या भयो भन्दैमा अर्को दललाई मत दिनु कुनै हालतमा सह्य नहुने उनले बताए ।
खड्काले पार्टीमा देखिएका समस्या वार्ता र छलफलका माध्यमबाट समाधान गरिनुपर्ने बताए ।
प्रतिक्रिया लेख्नुहोस्:-