यसरी मनाइयो धान दिवस

काठमाडौं । आज १९ औं राष्ट्रिय धान दिवस विविध कार्यक्रम गरि मनाइयो। यो वर्ष ‘धान रोपौं, खाद्यान्नमा आत्मनिर्भर बनौं’ नाराका साथ राष्ट्रिय धान दिवस मनाइएको हो ।

वि.सं २०६१ सालमा विश्वका ४३ राष्ट्रले संयुक्त राष्ट्रसंघलाई अन्तर्राष्ट्रिय धान वर्ष घोषणा गरेपछि नेपालमा वि।सं २०६१ मंसिर २९ गतेको मन्त्रिस्तरीय निर्णय अनुसार विसं २०६२ असार १५ गतेदेखि राष्ट्रिय धान दिवस मनाउन सुरु गरिएको हो।

धान दिवसको अवसरमा ललितपुरको खुमलटारस्थित राष्ट्रिय बाली विज्ञान अनुसन्धान केन्द्रले पनि बुधबार आयोजना गरेको रोपाइँ महोत्सवमा कृषि मन्त्री महिन्द्र राय यादवले धान रोपेर धान रोपाइँको शुभारम्भ गरेका थिए। केही रोपाहार र बाउसे तथ स्थानीय सर्वासाधारणले हिलो खेलेर धान दिवस मनाएका छन्।