स्यानफ्रान्सिस्को । विहीबार स्यानफ्रान्सिस्को बे एरियामा निधन भएकी मनसुन पाण्डेको अन्तिम संस्कारमा सयौं नेपालीहरु सहभागी भएका छन् । बहुप्रतिभा सम्पन्न पाण्डेको अल्पआयूमै भएको निधनले अमेरिकामा बसोवास गर्ने नेपालीलाई अपूरणीय क्षति पुगेको छ । अन्तिम श्रद्धान्जली कार्यक्रम स्थानीय समय अनुसार बिहान १० : ३० बजे राखिएको थियो । उपस्थितहरुले पार्थिव शरीरमा पुष्पगुच्छा अर्पण गरी अन्तिम वबदाई गरेका थिए ।
नेपाली समाजका अगुवा तथा समाजसेवीहरुले नेपाली समुदायमा मनसुनले पुर्याएको योगदान अतुलनीय रहेका उल्लेख गरेका थिए । स्वः मनसुनकी दाजू मेल्भीन पाण्डेले आफ्नी बहिनीको बारेमा बोल्दा उपस्थित सयौं नेपालीहरु भावविह्लल बनेर रोएका थिए ।
नेपाली मूलकी मनसुन पाण्डेको अकल्पनीय ,आकस्मिक तथा अल्पायु निधनले नेपाली समुदायहरुलाई आश्चर्य र स्तब्ध बनाएको छ ।
स्वः पाण्डे सान फ्रान्सिस्कोमा लामो समयदेखि बस्दै आएका पत्रकार, सामाजिक अभियन्ता, पूर्वपर्यटन दुत एवं कलाकार अनिल पाण्डेकी एक मात्र सुपुत्री हुन् ।
२९ वर्षीया मनसुन पाण्डेको जन्म १९९३ मा मे ६ का दिन भएको थियो । भ्रमण र समाजिक कार्यमा उनी निकै सकृय थिइन् ।
नेपाली समुदायमा निकै कृयाशील रहेकी स्वः पाण्डेले मदरल्याण्ड मार्फत नेपाल र नेपालीको प्रवर्धनमा ठूलो योगदान पुर्याएकी थिइन् ।
प्रतिक्रिया लेख्नुहोस्:-