केबलकार नचलेपछि चन्द्रागिरीमा फसेका ४३६ जनाको उद्धार

काठमाडौं । केवलकार नचलेपछि काठमाडौंको चन्द्रागिरीमा फसेका ४३६ जनालाई प्रहरीले उद्धार गरेको छ। भालेश्वर मन्दिर परिसरमा दिनभर रोकिएका पर्यटकलाई नेपाल प्रहरीले उद्धार गरेको हो।

त्यहाँ फसेकाको उद्धार गर्न काठमाडौंका विभिन्न युनिटबाट १५० जना प्रहरी परिचालन गरिएको काठमाडौं परिसरका निमित्त प्रमुख एसपी दिनेशराज मैनालीले जानकारी दिए।

प्रहरीले १७० जनालाई पैदल नै उद्धार गरेको हो। साँझ केवलकारबाट बाँकी २६६ जनाको उद्धार गरिएको एसपी मैनालीले बताए।
चन्द्रागिरी डाँडामा रहेका सबैको उद्धार भइसकेको छ। उनीहरुलाई मुख्य सडकमा झारेर आ–आफ्नो गन्तव्यतर्फ पठाइएको मैनालीले बताए