उच्च अंकले बढ्यो शेयर बजार, कारोबार रकम कति ?

काठमाडौं । साताको पहिलो दिन आज सेयर बजारमा दोहोरो अंकको वृद्धि भएको छ । आइतबार शेयर २८.३८ अंकले बढेको हो ।

आइतबार २८५ धितोपत्रको ६४ हजार ४४९ कारोबारबाट ६९ लाख ७५ हजार ८९४ कित्ता सेयर किनबेच भएको छ । आइतबार २ अर्ब ५६ करोड २६ लाख ९५ हजार रुपैयाँको कारोबार भएको छ ।

आइतबार रावा इनर्जी विकास लिमिटेडको ९.९८ र सिटी होटलको मूल्य ९।५१ प्रतिशतले वृद्धि भएको छ । यसबाहेक ‘१० प्रतिशत प्रभु बैंक डिबेञ्चर ८४’, सनराइन डिबेञ्चर ८३ सहितका धितोपत्रको मूल्य धेरैले बढेको छ । मनकामना स्मार्ट लघुवित्त तथा माउन्टेन इनर्जीका लगानीकार्ताले उच्च मात्रामा कमाएका छन् ।

आइतबार माथिल्लो तामाकोशीका लगानीकर्ताले आइतबार सबैभन्दा धेरै गुमाए । यो धितोपत्रको मूल्य ६.६५ प्रतिशतले घटेको छ । बीपीडब्यू लघुवित्त, लिबट्री इनर्जी, जोशी हाइड्रोपावरसहितका धितोपत्रका लगानीकर्ताले धेरै गुमाएका छन् ।