काठमाडौं । बिचौलियालाई प्रयोग गरेर करको दर हेरफेर गरेको आरोप लागेका पूर्व अर्थमन्त्री जनार्दन शर्मामाथि छानबिन गर्न गठित संसदीय विशेष समितिले बुधबार अर्थ मन्त्रालयको निरीक्षण गरेको छ ।
समिति सचिव सुरेन्द्र अर्यालले समितिका १० सदस्य र कर्मचारीले मन्त्रालयको सचिव, आइटी कक्ष, बजेट महाशाखालगायतको निरीक्षण गरेर फर्किएको जानकारी दिए । बजेट निर्माणमा अनधिकृत व्यक्तिको प्रवेश भएको हो वा होइन पत्ता लगाउन बिहीबार २ बजेभित्र अर्थमन्त्रालयको सीसीटीभी फुटेज उपलब्ध गराउन संसदीय विशेष समितिले निर्देशन दिएको थियो । त्यसको जवाफ आउनुअघि मन्त्रालयको संरचनागत अवलोकन गर्न छानबिन टोली गएको हो ।
११ सदस्यीय समितिले मंगलबारदेखि आफ्नो कामकारबाही सुरु गरेको हो । जनार्दन शर्माले बजेट निर्माण गर्दा बिचौलियाको प्रयोग गरेको भन्दै संसद्मा पनि चर्को विरोध भएपछि अर्थमन्त्री पदबाट राजीनामा दिएका थिए ।
शर्माले राजीनामा दिएपछि त्यसबारे छानबिन गर्न ११ सदस्यीय संसदीय समिति गठन भएको थियो ।
प्रतिक्रिया लेख्नुहोस्:-