काठमाडौं । अब विदेश भ्रमणमा जानेहरुलाई २०० डलर मात्र दिइने भएको छ । नेपाल राष्ट्र बैंकले बुधबार एक निर्देशन जारी गर्दै विदेश भ्रमणमा जाने नेपाली नागरिकलाई राहदानीबापत अधिकतम अमेरिकी डलर २०० सम्मको सटही सुविधा प्रदान गर्ने व्यवस्था गरेको छ।
नेपाल राष्ट्र बैंक मनिचेञ्चर इजाजतपत्र तथा निरीक्षण विनियमावली, २०७७ को विनियम ९ को उपविनियम ४ को खण्ड ३ को व्यवस्था बमोजिम परिवत्र्य विदेशी मुद्रा बिक्री गर्ने इजाजत प्राप्त मनिचेञ्जरले विदेश भ्रमणमा जाने नेपाली नागरिकलाई तोकिएअनुसार मात्रै डलर सटही सुविधा दिन भनिएको छ। विगत केही महिनादेखि डलर संचिति कम हुँदै गएकाले उसले धेरै कुरामा प्रतिबन्ध लगाइसकेको छ ।
प्रतिक्रिया लेख्नुहोस्:-