काठमाडौं । नेकपा (एमाले) का अध्यक्ष केपी शर्मा ओलीले जनार्दन शर्मालाई फेरि अर्थमन्त्री बनाएर सत्तारुढ गठबन्धनले निर्लज्जता प्रकट गरेको टिप्पणी गरेका छन्।
उनले मंगलबार तुलसीलाल अमात्य स्मृति दिवसको अवसर पारेर पार्टी केन्द्रीय कार्यालय च्यासलमा आयोजित एक कार्यक्रममा बोल्दै उनले शर्माको अर्थ मन्त्रालयको पुनरागमनले नेपाली जनताको विवेक र नैतिक धरातलमाथि भीषण हमला भएको उल्लेख गर्दै आक्रोश व्यक्त गरे।भ्रष्टचारको केशमा मुछिएका शर्मालाई लाजसरम नमानी अर्थमन्त्री फेरि बनाएको उल्लेख गर्दै अध्यक्ष ओलीले शर्माबाहेक अरु कोही पनि मान्छे गठबन्धनमा अर्थमन्त्री हुन लायक नभएको जिकिरसमेत गरे।
उनले भने, ‘भ्रष्टचारको केश लाग्या छ, छानबिन समिति आफ्नै बहुमत राखेर बनाएको छ। छानबिन गर्न दिएकै छैन। कल डिटेल्स हटाएको छ। अनि सिसीटिभी फुटेज मेटाइएको छ। रिभाईभ गर्दा देखिँदैन, बुझिँदैन। अनि सफाइ पायो। कहाँबाट पायो सफाइ ? अचम्मत के भने– लाजसरम नमानी, नेपाली जनतालाई कति साह्रो हेपेको ? नेपाली जनताको विवेक, नेपाली जनताको नैतिक धरातलमाथि कत्रो हमला ? यति निर्लज्ज तरिकाले हुन्छ ? ।’
प्रतिक्रिया लेख्नुहोस्:-