काठमाडौं । गृहमन्त्री बालकृष्ण खाँण र नेपालका लागि चिनियाँ राजदूत होउ यान्छीबीच भेटवार्ता भएको छ ।
गृह मन्त्रालयमा शुक्रबार भएको भेटमा उनीहरूबीच दुई देश बीचको आपसी सम्बन्ध थप सुदृढ बनाउनेबारे छलफल भएको थियो।
भेटमा गृहमन्त्री खाणले नेपाल एक चीन नीतिको पक्षमा रहको बताए। ‘नेपाल एक चीन नीतिको पक्षमा छ। नेपालभित्र छिमेकी राष्ट्रविरुद्ध कुनै गतिविधि हुन नदिन हामी प्रतिबद्ध छौँ,’ गृहमन्त्री खाणले भने।
उनले नेपाल असंलग्न परराष्ट्र नीति र पञ्चशीलको सिद्धान्तमा अडिग रहेको बताए। अन्य छिमेकी मुलक र चीनको शान्ति नेपालको हितमा रहेको गृहमन्त्री खाणको भनाइ थियो। भेटमा राजदूत यान्छीले नेपालमा हुने विपद्को व्यवस्थापनमा चीन सहयोग गर्न तयार रहेको बताएकी थिइन्।
प्रतिक्रिया लेख्नुहोस्:-