प्रधानमन्त्री प्रचण्डको चीन भ्रमण सेप्टेम्बरको तेस्रो साता हुने परराष्ट्रमन्त्रीको खुलासा

काठमाडौं । परराष्ट्रमन्त्री एनपी साउदले प्रधानमन्त्री पुष्पकमल दाहाल प्रचण्ड सेप्टेम्बरको तेस्रो वा चौथो हप्ता चीन भ्रमणमा जाने बताएका छन् ।

मन्त्री साउदले आइतबार कन्सुलर सेवा विभागमा अनलाइन कन्सुलर प्रमाणीकरण शुभारम्भ कार्यक्रमलाई सम्बोधन गर्दै यस्तो खुलासा गरेका हुन् ।

परराष्ट्र सम्बन्धलाई राष्ट्रिय स्वाभिमानमा आधारित बनाउँदै राष्ट्रिय एकतालाई मजबुत गर्ने गरी अगाडि बढाइएको उनले बताए । मन्त्री साउदले छिमेकी देशहरुका साथै नेपालसँग मैत्रीपूर्ण सम्बन्ध भएका जापान, अमेरिका र युरोपियन युनियनहरुसँगको मित्रवत् सम्बन्धलाई निरन्तरता दिने पक्षमा सरकार रहेको बताए ।