३८ अंकले घट्यो नेप्से, दुई अर्ब ६८ करोडको कारोबार

काठमाडौं । हप्ताको पहिलो कारोबार दिन आइतबार सेयर बजारमा उच्च अंकले गिरावट आएको छ । आज नेप्से ३८.३७ अंकले घटेको हो ।

बजार राताम्मे भएको दिन आज आइएमई लाइफ इन्स्योरेन्स र नेपाल रिपब्लिक मिडियाको सेयर १० प्रतिशत तथा कृषि विकास बैंकको सेयर साढे ६ प्रतिशतले बढेको छ।

आज ८० लाख सात हजार कित्ता सेयर दुई अर्ब ६८ करोड ७१ लाख रुपैयाँबराबरको कारोबार भएको छ। यस दिन सबैभन्दा धेरै सानिमा बैंकको १२ करोड ६९ लाख र एभरेस्ट बैंकको १२ करोड २१ लाख रुपैयाँको सेयर खरिद–बिक्री भएको छ।