काठमाडौं । नेपाली कांग्रेसका महामन्त्री गगनकुमार थापाले कांग्रेसलाई गुनासो गरेर बस्ने छेट नभएको बताएका छन् । उनले मंगलबार नेपाल लोकतान्त्रिक आदिवासी जनजाति महासंघले २९ औँ विश्व आदिवासी दिवसको सन्दर्भमा गरेको कार्यक्रममा बोल्दै यस्तो बताएका हुन् ।
‘कांग्रेस संघमा, प्रदेशमा र स्थानीय सरकारमा पनि छ । त्यसकारण अहिले कांग्रेस ३३२ वटा सरकारको नेता हो, कांग्रेसलाई गुनासो गरेर बस्ने छुट छैन,’ उनले भने, ‘यो कांग्रेसले काम गर्ने र परिणाम देखाउने बेला हो । हामीले संविधानको कार्यान्वयनका लागि काम गर्ने हो, कानुन बनाउने हो । योजना बनाउने हो, कार्यान्वयन गर्ने हो ।’
महामन्त्री थापाले कांग्रेस समावेशी लोकतन्त्रको पक्षधर पार्टी रहेको भन्दै दलित, महिला, आदिवासी जनजाति, मधेशी, थारु र मुस्लिमसहितका समुदायलाई अधिकार दिने विषयमा प्रस्ट रहेको बताए ।
प्रतिक्रिया लेख्नुहोस्:-