संसदीय समितिको सभापतिमा उम्मेदवारी दिने रास्वपाको निर्णय

काठमाडौं । राष्ट्रिय स्वतन्त्र पार्टीले भदौ ११ गते हुने संसदीय समितिको सभापतिमा उम्मेदवारी दिने दिने निर्णय गरेको छ।

पार्टी संसदीय दलको शुक्रबार बसेको बैठकले उम्मेदवारी दिने निर्णय गर्दै आजको मितिबाट त्यसका लागि गृहकार्य थाल्ने निर्णय गरेको उपसभापति डोलप्रसाद अर्यालले जानकारी दिए।

राष्ट्रियसभा र प्रतिनिधिसभा गरी १२ वटा संसदीय समितिमा सभापति चयन गर्न बाँकी छ। साउन २२ गते कांग्रेस, एमाले, माओवादी केन्द्र, जनता समाजवादी पार्टी, एकीकृत समाजवादी पार्टी र जनमत पार्टीले सभापतिको भागवन्डा गरेका थिए। ६ दलको सो कदमप्रति असन्तुष्ट रास्वपाले छुट्टै उम्मेदवार उठाउन लागेको हो।