नेकपा एमालेका उपाध्यक्ष वामदेव गौतमद्धारा पार्टीको सम्पुर्ण जिम्मेवारीबाट राजीनामा

नेकपा एमालेका उपाध्यक्ष वामदेव गौतमले पार्टीको सम्पुर्ण जिम्मेवारीबाट राजीनामा दिएका छन् । उनले शुक्रबार कार्यालय सचिव शेरबहादुर तामाङलाई राजीनामा बुझाएका हुन् ।
उनले एमालेबाट विभाजित भएर नेकपा (एकीकृत समाजवादी) बनेपछि नयाँ दलमा सहभागी हुने गरी पार्टी छोडेका हुन् । उनी लामो समयदेखी एमालेभित्र केपी शर्मा ओलीको कार्यशैलीप्रति असन्तुष्ट थिए ।
उपाध्यक्ष गौतमको राजीनामा पत्रमा एमाले अध्यक्ष केपीको कार्यशैलीको आलोचना गरिएको छ । राजीनामा पत्र बुझाउँदै गौतमले एमालेका नेताहरुसँग व्यक्तिगत सम्बन्ध रहेपनि राजनीतिक रुपमा एमालेमा अब रहन नसक्ने बताएको कार्यालय सचिव तामाङले जनाएका छन् ।