काठमाडौं । प्रधानमन्त्री पुष्पकमल दाहाल प्रचण्डले नेपाली श्रमिकको हितलाई केन्द्रमा राखेर काम गर्न विदेशस्थित नेपाली दूताबासका राजदूतहरूलाई निर्देशन दिएका छन्।
उनले मंगलबार श्रम आप्रवासनसम्बन्धी समस्या र तिनको समाधानसम्बन्धी २ दिने अन्तर्क्रियामा बोल्दै यस्तो निर्देशन दिएका हुन्।
सरकारले पहिलोपटक विदेशस्थित नेपाली राजदूतहरूलाई बोलाएर नेपाली श्रमिक तथा कामदारहरूले भोग्नुपरेका समस्या र कठिनाइहरूबारे छलफल गरेको हो। कार्यक्रममा राजदूतहरूले आफ्नो रिपोर्ट राख्नुका साथै आगामी कार्ययोजनासमेत निर्माण गरिएको छ।
प्रधानमन्त्री प्रचण्डले अन्तर्क्रियामा राजदूतहरूले उठाएका विषयहरू सम्बोधन गर्दै निर्देशित गरेका छन्। सम्बोधनमा प्रधानमन्त्रीले अन्तर्राष्ट्रिय कूटनीतिक सम्बन्ध, नेपालको पर्यटन प्रवर्द्धन र विदेशमा कार्यरत नेपाली श्रमिकको हितलाई केन्द्रमा राखेर काम गर्न जोड दिए।
प्रतिक्रिया लेख्नुहोस्:-