एक किलो सुनसहित तीन पक्राउ

काठमाडौं । करिब एक किलो सुनसहि तत्रिभुवन अन्तर्राष्ट्रिय विमानस्थल बाहिरबाट प्रहरीले तीन जनालाई पक्राउ गरेको छ । हिमालय एयरलाइन्सको उडानबाट दुबईबाट आएका उनीहरुलाई मंगलबार पक्राउ गरेको हो ।
बाबुलाल दोङसहित तीन जना काठमाडौं प्रहरी परिसरले पक्राउ गरेको हो ।

दोङले उतैबाट सुन बोकेर आएका थिए । त्यसको व्यवस्थापन गर्न खटिएका अन्य दुई जना भने काठमाडौंमै थिए ।
दोङसँगको सम्पर्क खुलेपछि दुई जनालाई पनि पक्राउ गरिएको काठमाडौं प्रहरी परिसरका एक अधिकारीले बताए । प्रहरीका अनुसार दोङले सुन मलद्वारमा लुकाएर ल्याएका थिए ।